“አንድ መጽሃፍ ለአንድ ተማሪ” ዘመቻ

ከሀገር ውጪና በሀገር ውስጥ የምንኖር የቀድሞ የጣና ሐይቅ ተማሪዎች “የጣና ሐይቅ የቀድሞ ተማሪዎች ህብረትን” (Tana Haik Alumni Network) አቋቁመን ለጣና ሐይቅ ት/ቤትና ተማሪዎች የተለያዩ ድጋፎች ለማድረግ እየተንቀሳቀስን እንገኛለን፡፡

ኤደን መታፈሪያ Eden Metaferia የጣና ሃይቅ የቀድሞ ተማሪዎች ህብረት አባል ናት። ኤደን ኑሮዋ በስዊድን ቢሆንም የጣና ሃይቅ ት/ቤትን ችግሮችን አይታ ህሊናዋ ሊያርፍ አልቻለም። ከ3500 ተማሪዎች በላይ የያዘው ይህ ት/ቤት በጣት የሚቆጠሩ ጥቂት መጽሃፍት የያዘ ላይብራሪ ነው ያለው። እንዴት ነው በዚህ መልክ ትውልድ መቅረጽ የሚቻለው? እንዴትስ ተማሪዎች ላይብራሪ ሊዉሉ ይችላሉ? ይህ እረፍት ነስቷት “አንድ ሰው አንድ መጽሃፍ” ቢሰጥ ላይብራሪውን በቀላሉ መሙላት ይቻላል በማለት ይህን ለማስተባበር ከስዊድን ባህርዳር ገብታለች። እንዴት አይነት ቅን ልቦና አስተዋይነት ነው ይሄን ያህል ርቀት የሚያስመጣና “ኑ በጋራ ለተማሪዎች እንድረስላቸው” የሚያስብል ህሊና?

እኛ ደሞ “አዎ ይቻላል፤ አናግዝሽና ተባብረን ላይበራሪውን በመጽሃፍ እንሙላው” እስቲ እንበላት! ለታናናሽ ወንድሞቻችንና እህቶቻችን እስቲ እንድረስላቸው! “50 ሎሚ ለአንድ ሰው ሸክም ነው፤ ለሃምሳ ሰው ግን ጌጡ ነው” አይደል ሚባለው! አንድ አንድ መጽሃፍ (አዲስ ወይም ያገለገለ)እስቲ ሁላችንም እናዋጣ!
ተማሪዎች የሚፈልጉትን መጽሃፍት ዝርዝር ጠይቀናል። ከዚህ ጽሁፍ ስር ተዘርዝሯል።

“ኑ ትውልድን በእውቀት እናንፅ”

ከአብሮት ሰላምታ ጋር

የጣና ሐይቅ የቀድሞ ተማሪዎች ኅብረት

Tana Haik Alumni Network (THAN)